قصة كفاح أول حدادة بالشرقية: اشتغلت مع جوزي عشان نربي عيالنا وبيتنا يفضل مفتوح | بث مباشر

قصة كفاح سيدة تدعى أم ممدوح، مقيمة في مدينة الزقازيق التابعة إلى محافظة الشرقية، حيث تعمل حدادة منذ 22 عامًا، حتى تستطيع أن تساعد زوجها وتوفر المال اللازم لأبنائها من أجل توفير لهم كافة احتياجاتهم.

قصة كفاح أول حدادة في الشرقية

وقالت السيدة أم ممدوح إنها تعلمت مهنة الحدادة على يد زوجها، حيث قررت أن تعمل معه في الورشة حتى تستطيع أن تساعده في العمل، وكذلك حتى تسانده في أمور المعيشة وتوفير المال اللازم لأبنائهما.

وأردفت: نزلت أشتغل مع جوزي عشان أتعلم منه الصنعة في الورشة.. وكمان عشان أساعده وأقف جنبه عشان بيتنا يفضل مفتوح.

وأضافت السيدة أم ممدوح، أنها تمكنت من تعلم مهنة الحدادة في وقت قليل، وبعد ذلك أصبحت تساعد زوجها في العمل داخل الورشة، قائلة: اتعلمت كل حاجة في الشغل وجوزي بياخد المقاسات وأنا بساعد معاه في الورشة وبقطع الحديد.

كما أوضحت أنها واجهتها بعض الصعوبات في بداية تعلمها مهنة الحدادة، إلا أنها استطاعت أن تتغلب عليها بإرادة صميمة منها حتى تساعد زوجها في العمل، معلقة: الشغل كان صعب عليا في الأول عشان الحدادة دي تعتبر شغلانة للرجالة.. بس الحمد لله ربنا وفقني وبعرف أتعامل مع القطع الكبيرة.

واختتمت السيدة أم ممدوح حديثها: قررت من 22 سنة إني أشتغل مع جوزي عشان أساعده لأن ظروفنا كانت صعبة شوية.. جوزي كان رافض في الأول بس أقنعته إني لازم أشتغل عشان عيالنا وبيتنا ميبقاش ناقصه حاجة.