طلاب التربية الرياضية بالإسكندرية: ملقيناش حد يفهمنا نظام الساعات المعتمدة | بث مباشر
استغاث طلاب كلية التربية الرياضية في جامعة الإسكندرية، من المشكلات التي تواجههم خلال الدراسة بنظام الساعات المعتمدة.
طلاب كلية التربية الرياضية يروون التفاصيل
وقال عبد الرحمن أحد طلاب كلية التربية الرياضية، إنه التحق بكلية التربية الرياضية عام 2020 ولكنه مازال مقيد بالفرقة الثانية، موضحًا أنه من المفترض أن يكون مقيد بالفرقة الرابعة، قائلًا: كان المفروض أتخرج السنة دي ولسة كل ده في سنة تانية وأنا دفعة كورونا.
وأكد عبد الرحمن، أن نظام الكلية يوفر لكل مجموعة من الطلاب مُرشد أكاديمي يتعرف الطلاب من خلاله على نظام الدراسة والساعات المعتمدة، مؤكدًا أن المُرشد الأكاديمي عندما يتعثر عليه فهم أمر ما أو عندما تواجههم مشكلة ويذهبون إليه يطلب منهم التوجه لإدارة شئون الطلاب، وعندما يذهبون لشئون الطلاب يخبروهم أن هذا الأمر ليس من اختصاصهم، قائلًا: المفروض معانا مرشد أكاديمي ولما بنحتاجه بيبعتنا لشئون الطلبة وفي الشئون بيقولولنا ده مش اختصاصنا ومحدش بيفهمنا حاجة ولا بيساعدنا.
وأضاف عبد الرحمن: قالولنا المواد اللي بتشيلوها بتطلع معاكم للسنة اللي بعدها وبناخدها سمر كورس، وأنا شايل مادتين بس ولسه في سنة تانية.
ومن جانبه، أكد أحد الطلاب، أنه يواجه مشكلة في عدم نزول بعض المواد في السمر كورس أحيانًا مما يتسبب ذلك في انتظاره للعام الدراسي المقبل، قائلًا: لما بنشيل مواد مفروض بناخدها سمر كورس، وساعات المواد مبتنزلش لعدم اكتمال عدد الطلاب للمادة وبنستنى للسنة اللي بعدها عشان ناخدها لأن أقل حاجة لازم 30 طالبا للمادة في السمر كورس.
وأردف الطالب: مادة السباحة مبتنزلش سمر كورس عشان بيأجروا الحمامات في السمر للأكاديميات ومش بنعرف ناخدها وبنستنى السنة اللي بعدها، ونزلنا الـ 4 إنذارات وهنتفصل من الكلية، ومش طالبين منهم غير أنهم يساعدونا بدل ما الـ 16 سنة تعليم يروحوا مننا.
