صاحب محل أسماك شهير بالإسكندرية يستغيث: شريكي نصب عليا وخسرني 4 ملايين جنيه| بث مباشر
كشف الشامي الغرباوي صاحب محل أسماك شهير في محافظة الإسكندرية، تفاصيل تعرضه للنصب من جانب شريكه الذي كان سببًا في خسارته لمصدر رزقه، والذي عاش طوال السنوات الماضية من أجل تأسيسه لتأمين حياته وأسرته.
صاحب محل أسماك شهير بالإسكندرية يتعرض للنصب
وقال الشامي الغرباوي إنه بدأ حياته بعمله مع والده في مجال المقاولة، ثم بعد ذلك فكر أن يتجه للعمل في مجال آخر حتى يُزيد من دخله، لذلك فاتجه إلى مجال المطاعم وافتتح مطعما صغيرا للأسماك بالإسكندرية.
وواصل: فتحت مطعم سمك صغير لأن الفلوس اللي معايا مكانتش كتير.. ومع الوقت بدأت أتوسع في المطعم بتاعي وأجيب أجهزة ومعدات كتير للمطبخ.. وللأسف بعد كده حصلت لي مشاكل بعد كده وكنت مديون.
وأضاف الشامي الغرباوي أنه فجأة ظهر أحد الأشخاص الذي حاول إقناعه بالشراكة فيما بينهما، قائلًا: ظهر واحد قالي تعالى شاركني أنا عندي مكان كبير وهنكبر سوا.. وبالفعل شاركته وياريتني ما عملت كده.
وأوضح: الراجل اللي شاركته فجأة معاملته معايا اتغيرت وقالي لاء انت هتأجر يا هتمشي أو تديني فلوس دلوقتي وهو أصلًا مدفعش باقي فلوس الشراكة ليا.. وقفل على معظم المعدات بتاعتي اللي خدتها معايا هناك.. ولما رجعت الفرع القديم الشغل مكنش ماشي كويس وخسرت أكتر من 4 ملايين جنيه في سنتين وقفلت المحل.
